Túrkııada úsh aqparattyq agenttik, 16 telearna, 23 radıostansa jabyldy
ASTANA. QazAqparat - Túrkııada tótenshe jaǵdaı rejimin qoldaný barysynda el bıligi 313 BAQ-ty jabýdy jón sanady. Olardyń ishinde ondaǵan gazet, birneshe aqparattyq agentitk, baspa úıleri bar, - dep habarlady CNN Turk.
Úkimge sáıkes Túrkııada úsh aqparattyq agenttik, 16 telearna, 23 radıostansa, 45 gazet, 15 jýrnal, 29 baspa úıi jabylady.
Bılik jabýǵa sheshim qabyldaǵan baspalardyń ishinde Chian agenttigi men radıostansasy, Nazar gazeti, Yumurcak telearnasy jáne t.b. bar. Budan basqa, jabylǵan BAQ-tar ishinde Zaman jáne Today's Zaman gazetteri de bar. Budan buryn Reuters derekózi úkimet ortasynda bılik Zaman-nan 47 jýrnalıst pen kolýmnısti ustaýǵa sheshim qabyldaǵanyn málimdegen.
«Prokýrorlarǵa bul «ustalǵan» kolmýnısterdiń ne aıtyp nemese jazǵany qyzyq emes. Qazirgi ýaqytta buǵan sebep Zaman qyzmetkerleriniń Gıýlen jelisi jaıly bilimderi tereń bolý yqtımaldyǵy jáne tıisinshe tergeýge úles qosýy múmkin», - dedi agenttik derekkózi.
foto: rbc.ru
