Túrkııada ýlanǵan týrıster sany 200 adamǵa jetti
ASTANA. 28 shilde. QazAqparat - Antalıadaǵy Reseı Bas konsýldyǵynyń aqparaty boıynsha, 26 jáne 27 shilde kúnderi qalanyń aýrýhanalaryna "Klýb Gıýnesh Garden" qonaqúıinde bolǵan 200-den astam trýıst kelip qaralǵan.
Olardyń arasynda 112 zardap shekken reseılik bar. Onyń ústine, 28 shilde kúngi jaǵdaı boıynsha ýlanǵandardyń biraz bóligi áli kúnge deıin aýrýhanada jatyr. Konsýldyqtyń aqparatyna súıensek, ýlanǵan Reseı azamattarynyń barlyǵynyń jaǵdaıy qanaǵattanarlyq, dep habarlaıdy RBK agenttigi.
Jergilikti bılik ókilderi aımaqtaǵy týrısterge qyzmet kórsetetin barlyq jaýapty vedomstvolardy tarta otyryp, oqıǵany zertteýde. Antalıa qalasynyń sanıtarlyq-epıdemıologııalyq dárigerleri sýdyń, aýyzsý jáne basseın sýy, qonaqúıdegi azyq-túliktiń barlyǵyna zertteý júrgizýde. Ázirge týrısterdiń neden ýlanǵany belgisiz.
