Túrkııada Twitter áleýmettik jelisine shekteý qoıyldy
ASTANA. QazAqparat - Túrkııa bıligi beısenbiden jumaǵan qaraǵan túni Twitter mıkroblogy jelisin jaýyp tastady, dep habarlaıdy "Hıýrrıet" gazetine silteme jasap RIA-Novostı.
Eldiń premer-mınıstri Redjep Taııp Erdogan beısenbi kúni Ádilettik jáne damý partııasynyń saılaýaldy mıtıngisinde Túrkııada barlyq áleýmettik jeliler, onyń ishinde Twitter jabylatynyn málimdegen bolatyn. Al buǵan halyqaralyq qaýymdastyqtyń qalaı qaraıtyny úkimetti tolǵandyrmaıdy dep atap ótti. Basylymnyń habarlaýynsha, túnde BTK túrik telekommýnıkatsııalyq retteýshisi Twitter-di múldem jaýyp tastady. Bul áleýmettik jelini paıdalanýǵa nıet bildirgenderge birden úkimetke keıbir saıttardy sottyń sheshiminsiz-aq jabýǵa quqyq beretin sot sheshimi jazylǵan mátinge silteme jiberedi. Budan buryn da Erdogan YouTube beıne servısi men Facebook áleýmettik jelisine tyıym salynýy múmkin dep aıtqan bolatyn. Buǵan YouTube-taǵyi Úkimet basshysynyń sybaılas jemqorlyqqa qatysty telefon áńgimesiniń búkil ınternetti sharlap, onyń arty janjalǵa ulasqany sebep bolýy múmkin. Eske sala ketsek, áldebireýler premer-mınıstr men onyń uly qomaqty qarjyny qymqyryp qalý tásilderin talqylap jatqan jazbany ǵalamtorǵa jarııalap jibergen edi.
