Túrkııada Túrki memleketteri uıymynyń ekinshi dıaspora forýmy ótip jatyr

BÝRSA. QazAqparat - 28-30 naýryz aralyǵynda TÚRKSOI uıymy josparǵa sáıkes túrki áleminiń mádenı astanasy dep jarııalanǵan Býrsa qalasynda ekinshi dıaspora forýmyn, ekinshi dıasporaaralyq tájirıbe almasý baǵdarlamasyn jáne Naýryz merekesin uıymdastyrady, dep habarlaıdy QazAqparat.

Halyqaralyq shara TR Mádenıet jáne týrızm mınıstrligi – Sheteldegi túrkiler jáne týysqan qaýymdastyqtar tóraǵasy (YTB), TDT múshe memleketterdiń dıasporasyna jaýapty mekeme basshylary, joǵary laýazymdy memlekettik qyzmetkerler, ÚEU ókilderi, kásipkerler, ǵalymdar jáne BAQ-tyń qatysýymen ótedi.

Atalmysh Forýmǵa qatysatyn delegatsııa quramynda «Otandastar qory» KEAQ vıtse-prezıdenti Maǵaýııa Sarbasov, «Otandastar qory» KEAQ jobalar koordınatory jáne tarıh ǵylymdarynyń doktory Qalybek Qoblandın, bilim baǵyty boıynsha jobalar koordınatory Dıdar Bolat, «Sheteldegi otandastardy qoldaý» derpartamenti dırektorynyń orynbasary Serik Ábdýálıev, kásipker Syrymbek Taý, Qyrǵyz Respýblıkasynan úkimettik emes uıymdardyń (ÚEU) ókili Gıýlshat Asylbaeva, Shvetsııadan úkimettik emes uıymdar (ÚEU) ókili Murat Irmısh bar.

Túrki memleketteri uıymynyń ekinshi dıaspora forýmy dıaspora salasyndaǵy mańyzdy oqıǵalardyń biri ekenin eskersek, osy shara YTB basshylyǵy men «Otandastar» qory arasyndaǵy yntymaqtastyqtyń odan ári nyǵaıýyna birden-bir sebep bolmaq.