Túrkııada týrıstik avtobýs jol apatyna ushyrap, 8 adam kóz jumdy
ASTANA. KAZINFORM — Túrkııanyń batysynda týrıstik avtobýs jol apatyna ushyrap, 8 adam mert bolyp, taǵy 33 adam jaraqat aldy, dep habarlaıdy Sınhýa.
Jergilikti BAQ málimetinshe, ishinde 38 jolaýshy men ekıpajdyń úsh múshesi bolǵan avtobýs Izmır qalasynan Antalııa kýrortyna baǵyt alǵan. Denızlı provıntsııasyndaǵy Denızlı–Aıdyn tasjolynda avtobýs jol qorshaýyna soǵylyp, artynsha órtenip ketken.
Qaza tapqandardyń arasynda júrgizýshi men toǵyz aılyq sábı bar. Zardap shekkender jaqyn mańdaǵy aýrýhanalarǵa jetkizildi.
Ázirge apattyń naqty sebebi anyqtalǵan joq.
Buǵan deıin Atyraý oblysy Qyzylqoǵa aýdany ákiminiń orynbasary Erbolat Iǵalı jol-kólik oqıǵasynan qaza tapqany týraly jazdyq.
