Túrkııada týrıstik avtobýs apatqa ushyrady, bes adam qaza taýyp, 32 adam jaraqattandy
ASTANA. QazAqparat - Túrkııanyń soltústik-batysyndaǵy Chanakkale provıntsııasynda týrıstik avtobýstyń jol-kólik apatyna ushyraýy saldarynan bes adam qaza taýyp, 32 adam jaraqattandy. Bul týraly beısenbi kúni Hurriyet gazeti habarlaıdy.
Týrısterdi Ystambuldan Birinshi dúnıejúzilik soǵys kezinde Dardanel is-qımyldary kezinde qaza tapqandardyń eskertkishine aparyp kele jatqan avtobýs jolda aýdarylyp qalǵany habarlanyp otyr. Jol apatynda zardap shekkenderdiń barlyǵy Túrkııa azamattary bolyp tabylady.
Zardap shekkender Chanakkale qalasyndaǵy jaqyn ornalasqan aýrýhanalarǵa jetkizildi. Jol apatynyń sebepterin tergeý amaldary bastaldy.
