Túrkııada týrısterge arnalǵan medsaqtandyrýǵa koronavırýstan emdelý kiredi

ANTALЬıA. Anadoly-QazAqparat – 2020 jyldyń 1 shildesinen bastap Túrkııaǵa saparlaǵan sheteldik týrısterge arnalǵan medıtsınalyq saqtandyrýǵa koronavırýs ınfektsııasynan emdelý kirýi múmkin. Bul týraly Túrkııa mádenıet jáne týrızm mınıstriniń orynbasary Nazır Alparsan málim etti, dep habarlaıdy QazAqparat Anadoly agenttigine silteme jasap.

Mınıstr orynbasarynyń aıtýynsha, týrıster Túrkııaǵa áýe bıletin satyp almas buryn, ıaǵnı, pasporttyq baqylaýdan ótpeı turyp týroperatorlardan nemese onlaın rejımde medıtsınalyq saqtandyrýdy satyp alýyna bolady.

«Medıtsınalyq saqtandyrý baǵasy tıimdi. Bul demalýshylardyń densaýlyǵyna taǵy bir kepil bolady. Biz ár týrıstiń otanyna jaqsy demalyp, deni saý bolyp oralǵanyn qalaımyz. Biraq pandemııa qaýpi áli de bar. Sondyqtan biz týrısterdi emdeýge arnalǵan jańa saqtandyrý júıesin jasadyq», - deıdi Alparslan.

Onyń aıtýynsha, jańa qyzmet túri mindetti emes. Soǵan qaramastan qazirdiń ózinde týrısterden suranys kóp.