Túrkııada týrıster mingen áýe shary apatqa ushyrady
ASTANA. QazAqparat - Túrkııanyń Nevshehır (saıahatshylar arasynda tanymal Kappadokııa óńiri) qalasynda týrıster mingen áýe shary apatqa ushyrady, dep habarlaıdy Lenta.ru.
Qatty jelden áýe shary joǵary voltty symdarǵa soqtyǵysqan. Saldarynan bir adam ajal qushyp, 20-dan astam adam jaraqat aldy. Olar jaqyn mańdaǵy aýrýhanaǵa jetkizildi.
RIA Novostı Nevshehır polıtsııasyna silteme jasap, frantsııalyq saıahatshynyń qaza tapqanyn habarlady. Jolaýshylardyń arasynda frantsııalyqtar, kolýmbııalyqtar jáne túrikter bolǵan.
