Túrkııada tsıklon áserinen alǵashqy qar jaýdy

Elge «Sibir» tsıklonynyń kelýine baılanysty Ystanbulda alǵashqy qar jaýdy, dep habarlaıdy Kazinform agenttigi Yenişafak basylymyna silteme jasap.

Túrkııa qalasynda kúndiz aýa temperatýrasy 10 gradýstan astam tómendegen. Termometrler plıýs 15 gradýstan plıýs 3 gradýsqa deıingi tómendikti kórsetken. Jeldiń ekpini saǵatyna 60 shaqyrymǵa jetedi.

Ienı Shafak gazetiniń habarlaýynsha, Chamlyja tóbesindegi Kartal, Pendık, Týzle, Úmranıe, Atashehır jáne Úskúdar aýdandarynda qar men jańbyr jaýyp jatyr. Sonymen qatar, ylǵaldy qar Sılıvrı, Býıýkchekmeje, Beılıkdýzý, Avchılar, Esenıýrt jáne Kagıthanede baıqalady.

Túrkııanyń meteorologııa bas basqarmasynyń habarlaýynsha, 10 qańtar sársenbi kúni qar jaýmaıdy, biraq 11 qańtar beısenbi kúni jaýyn-shashyn qaıta bastalady.

Dúısenbi, 15 qańtarǵa deıin aýa raıy ózgermeıdi. Provıntsııada sý tasqyny jáne kóliktiń buzylýy múmkin. Qardyń arqasynda sý qoımalaryndaǵy sý deńgeıi 53 paıyzdan joǵary kóteriledi.

Ótken tamyz aıynda Túrkııada sońǵy 33 jylda bolmaǵan qýańshylyq boldy. El aýmaǵynyń edáýir bóligi tótenshe jaǵdaı aımaǵyna endi. Qazan aıyndaǵy jaǵdaı boıynsha Ystambuldy qamtamasyz etetin sý qoımalaryndaǵy sý qorynyń deńgeıi 48,5 paıyzdan 20,6 paıyzǵa tómendedi. Túrkııa bıligi turǵyndarynan sýdy únemdeýdi surap, úndeý jasady. Antalııa qalasyna aýyz sý tapshylyǵy qaýpi tóndi.