Túrkııada tramvaı qaǵyp kete jazdaǵan áıeldi kúzetshi qutqaryp qaldy

ASTANA.KAZINFORM - Túrkııanyń Kaıserı qalasynda qarsy betke ótpek bolǵan áıeldi tramvaı qaǵyp kete jazdady. Qulaqqap taqqan áıeldi sońǵy sátte kúzetshi qutqaryp qaldy, dep jazady Anadoly.

Kaıserı qalalyq mýnıtsıpalıteti kólik basqarmasynyń áleýmettik medıa akkaýntynda jarııalanǵan vıdeodan tramvaı vokzalǵa jaqyndap kele jatqanda áıeldiń relske qaraı ótip bara jatqanyn jáne sary jolaqtardy tekserip júrgen kúzetshiniń áıeldi baıqap qalǵanyn kórýge bolady.

Kúzetshi áıeldiń qolynan ustap, tartyp alady.

- Kúzetshi nazar aýdarmaǵanda qaıǵyly oqıǵaǵa ákelýi múmkin edi. Búgin tańerteń bizdiń tramvaı jelisindegi jolaýshy qulaqqap kesirinen aýyr jaǵdaıǵa dýshar bola jazdady. Ol qaýipsizdik qyzmetkeriniń qyraǵylyǵynyń arqasynda aman qaldy, - delingen Kaıserı qalalyq mýnıtsıpalıtetiniń kólik basqarmasy málimdemesinde.

Buǵan deıin Jetisýda feldsherler bir otbasyn órtten qutqaryp qalǵanyn habarlaǵan edik.