Túrkııada tórt myńǵa jýyq memqyzmetshi jumystan qýyldy
ASTANA. QazAqparat - Túrkııa bıligi kezekti tekseristen keıin memlekettik qyzmetten 3974 adamdy jumystan qýdy.
Bul týraly russian.rt.com saıty jazýda.
Atap ótilgendeı, olardyń arasynda sheneýnikter ǵana emes, sondaı-aq áskerı qyzmetshiler men ǵylymı qyzmetkerler de bar. Túrkııanyń memlekettik mekemelerinde aýqymdy tekserister 2016 jyly áskerı tóńkeris uıymdastyrý áreketinen keıin bastaldy.
2017 jyldyń basynda tóńkeriske qatysy bar degen kúdikke ilikken 4,5 myńǵa jýyq adam jumystarynan aıyryldy.
