Túrkııada tóńkeristen keıin 8 myń polıtseı qyzmetinen bosatyldy
ASTANA. QazAqparat - Túrkııada el prezıdenti Rejep Taıyp Erdoǵanǵa qarsy tóńkeristen keıin 8 myńǵa jýyq polıtseı qyzmetinen bosatyldy, dep habarlaıdy Bı-Bı-Sı agenttigi.
Jergilikti BAQ 103 joǵary laýazymdy áskerıler - generaldar men admıraldar ustalǵanyn habarlady. Anadolý agenttiginiń habarlaýynsha, olardyń 41 ustaldy, qalǵandaryna qatysty zańgerlik úderister jalǵasyp jatyr.
Agenttik atap ótkendeı, ÁÁK burynǵy qolbasshysy Aqyn Óztúrikpen birge 27 general men admıral Ankaradaǵy ádilet saraıyna jetkizilip, sot aldynda jaýp berýge daıyndalyp jatyr.
Qyzmetten bosatylǵan polıtseılerdiń ustalǵany týraly habarlanbady.
Túrkııadaǵy sátsizdikke ushyraǵan tóńkeristen keıin áskerıler qamaýǵa alyna bastady. 17 shildede qamaýǵa alynǵan áskerıler men memlekettik qyzmetkerlerdiń sany alty myńǵa jetti.
Ádilet mınıstri Bekır Bozdag atap ótkendeı, ustalǵandardyń ishinde joǵary komandalyq quram músheleri men sýdıalar, sonyń qatarynda joǵary sot sýdıasy bar.
