Túrkııada tóńkeriske qatysty is boıynsha 40 sarbaz qamaýǵa alyndy
ASTANA. QazAqparat - Túrkııa bıligi Konıa qalasyndaǵy avıabazasynyń 40 áskerı qyzmetkerin qamaýǵa aldy, dep habarlady Bı-Bı-Sı agenttigi.
Dogan aqparattyq agenttiginiń aqparatynsha, taǵy 47 sarbazdy qamaýǵa alý úshin order berildi. Bul úderis 2016 jyly shildede oryn alǵan tóńkeris áreketin tergeý negizinde júzege asyp jatyr.
Bul bılik Túrkııadaǵy tóńkeristiń uıymdastyrýshysy dep sanaıtyn «Hızmet» qozǵalysynyń basshysy Fethýlla Gúlenmen baılanysy bar degen kúdikpen azamattardy qamaýǵa alýdyń úshinshi legi.
Qazirgi tańda tóńkeriske qatysty degen kúdikpen 32 myń adam túrmege qamaldy. Taǵy shamamen 100 myń adam, sonyń ishinde joǵary áskerı basshylyq ókilderi óz laýazymdarynan (shenderinen) aıyryldy.
