Túrkııada «Tomırıs» fılminiń tusaýkeseri ótti
Tarıhı dramanyń baýyrlas eldegi alǵashqy kórsetilimine fılmniń rejısseri Aqan Sataev jáne basty róldi somdaǵan aktrısa Almıra Tursyn arnaıy qonaq boldy. El táýelsizdiginiń 30 jyldyǵy aıasynda uıymdastyrylǵan premeraǵa, sondaı-aq, Qazaqstannyń Túrkııadaǵy Elshisi Abzal Saparbekuly men Ystanbuldaǵy Bas konsýly Álim Baıel, Túrkııanyń saıasatkerleri, jergilikti zııaly qaýym ókilderi jáne Ystanbuldaǵy qazaq dıasporasynyń ókilderi qatysty.
Uly dalanyń tarıhyn tartymdy túrde pash etken otandyq fılmdi jınalǵan kórermender ystyq yqylaspen qabyl aldy. Osy rette Tomırıs hanshaıymnyń Túrkııada da tanymal tarıhı tulǵa ekenin, onyń esiminiń qyzdarǵa beriletinin aıta ketý kerek. Atalǵan kınotýyndy 3 qyrkúıekten bastap Túrkııadaǵy eki júzden astam kınoteatrlarda kórsetilimge shyǵyp, qalyń kórermenge jol tartady.
Táýelsizdikke arnalǵan merkelik is-sharalardyń jalǵasatynyn aıtqan Qazaqstannyń Ystanbuldaǵy Bas konsýly Á. Baıel «Tomırıs» kınokartınasynyń Túrkııanyń mádenı ómirindegi úlken oqıǵaǵa aınalyp, baýyrlas halyqtardy odan saıyn jaqyndata túsetinine degen senimin bildirdi.
