Túrkııada toǵyzqumalaq pen mangaladan álem chempıonaty bastaldy

Búgin Antalııada Toǵyzqumalaqtan V Álem chempıonaty jáne Mangaladan I Álem chempıonatynyń ashylý saltanaty ótti. 4 mamyrǵa deıin ótetin halyqaralyq týrnırge álemniń 16 elinen sportshylar qatysýda.

Álem chempıonatynda Rýmynııa sportshylary tuńǵysh ret toǵyzqumalaqtan álemdik arenada sheberlikterin kórsetpek. Halyqaralyq týrnırge óz esepterinen kelip jatqan kóptegen entýzıast sportshylar toǵyzqumalaqty óz elderinde belsendi nasıhattaýda.

Sheteldikterdiń qazaq ulttyq oıynyna degen qyzyǵýshylyǵyn Dúnıejúzilik toǵyzqumalaq federatsııasynyń ókili Batyrbek Qulekeev bul oıynnyń oıynnyń taza esepke qurylǵan erekshelgimen túsindiredi.

«Toǵyzqumalaq - bul arıfmetıka, tapqyrlyq jáne oı ushqyrlyǵy. Oıynda esepke júırik, alǵyr, jyldam oılaıtyn adam jeńiske jetedi. Sondyqtan, tapqyrlyqty, alǵyrlyqty, esepti úıretetin bul oıyn barlyǵyna, ásirese, jastarǵa kerek», - deıdi Qulekeev.

Qatysýshylarǵa toǵyzqumalaq federatsııasy vıtse-prezıdenti professor Jan Reshıtskıı sáttilik tiledi.

Mangala federatsııasynyń prezıdenti Raýf Ozgen mangalanyń túbi myńjyldyq tarıhy bar toǵyzqumalaqtan taraıdy esepteıdi. Onyń aıtýynsha, birge kúsh jumyldyrý ár eldiń ózderiniń ulttyq zııatkerlik oıyndaryn damytýǵa jáne olardyń aldynda turǵan máselelerdi birlese sheshýge múmkindik beredi.

Ashylý saltanatyna Qazaqstannyń Antalııadaǵy Konsýly Arman Narbaev qatysty. Qazaqstandyq komanda 10 sportshydan turady, olardyń arasynda segiz dúrkin álem chempıony Ásel Dalıeva, úsh dúrkin álem chempıony Hakimjan Eleýsinov, úsh dúrkin álem chempıony Serik Aqtaev, álem chempıondary - Ǵalymjan Temirbaev, Saltanat Saparbekova, úmit artatyn jas talanttar - Gúljanat Aldabergenova, Saıat Jandarbek, Arýjan Abdyhanova bar. Chempıonat erler jáne áıelder arasynda jeke-jeke klassıka, rapıd, blıts boıynsha ótýde.

Aıta ketsek, toǵyzqumalaqtan tuńǵysh álem chempıonaty 2010 jyly Astana qalasynda ótkizilip, 16 elden sportshylar qatysqan.