Túrkııada «Tobyl» men «Torpedo» fýtbolshylarynyń kúshteri teń tústi
ALMATY. 20 qańtar. QazAqparat - Túrkııada ekinshi oqý-jattyǵý jıynyn ótkizip jatqan Qostanaıdyń «Tobyl» fýtbol komandasy Máskeýdiń "Torpedosymen" sparıngtik kezdesý ótkizdi.
Qostanaılyq komandanyń baspasóz qyzmetiniń habarlaýynsha, bul oıynda komandalar qaqpalardyń eshbiriniń «kiltin» asha almaı, 0:0 esebimen tarqasty. Sergeı Maslenov jattyqtyratyn qostanaılyqtar Qazaqstan Premer-lıgasynda ótken maýsymda 6-shy oryn alsa, Borıs Ignatev baptaıtyn máskeýlikter Reseı Ulttyq lıgasynda 2011/2012 maýsymda 8-shi oryn alǵan bolatyn.
Buǵan deıingi kezdesýinde "Tobyl" Ýkraınanyń Poltova qalasynyń «Vorskla» komandasymen kezdesip, 0:1 esebimen jeńilis tapqan edi. Endi dúısenbi kúni bul jıyndaǵy aqyrǵy kezdesýin Novokýznetsk qalasynyń «Kýzbas» aıaqdopshylarymen ótkizbek.
