Túrkııada tirkelgen 2 myńǵa jýyq qazaqstandyq 3 saılaý ýchaskesinen daýys beredi

NUR-SULTAN. QazAqparat - Túrkııada eki myńǵa jýyq Qazaqstan azamaty saılaýshy retinde tirkelgen. Olar Ankara, Ystanbul, Antalııa qalalarynda ornalasqan 3 saılaý ýchaskesinde daýys bere alady. Bul týraly «Egemen Qazaqstan» gazetinde jarııalanǵan suhbatynda Qazaqstannyń Túrkııadaǵy Tótenshe jáne ókiletti elshisi Abzal Saparbekuly málim etken.

Aıta keteıik, suhbat negizinen Túrkııa men Qazaqstan arasyndaǵy qarym-qatynastyń damý baǵyty jaıynda órbigen. Áńgime barysynda tilshi «9 maýsymda elimizde prezıdenttik saılaý ótedi. Osy saıası is-sharaǵa elshiliktiń daıyndyq jumystary qalaı júrip jatyr?» degen saýal qoıady.

«Aldaǵy prezıdenttik saılaýdy Túrkııa zor yqylaspen kútip otyr. Saılaýǵa shamamen 11 baıqaýshy keledi. Joǵary saılaý komıssııasynan eki baıqaýshy, EQYU, osy uıymnyń Parlamenttik Assambleıasy, Eýropa keńesi atynan ókilder keledi. Budan bólek, jeke baıqaýshy retinde keletinder bar. Shamamen Túrkııadan on shaqty baıqaýshy kelmek», - dep atap ótedi elshi Abzal Saparbekuly.

«Qazir Túrkııada 3 saılaý ýchaskesi bar. Olar Ankara, Ystanbul, Antalııa qalalarynda ornalasqan. Osy úsh qalada da Qazaqstannyń ókildikteri bar. Túrkııadaǵy eki myńǵa jýyq Qazaqstan azamaty saılaýshy retinde tirkelgen. Elshilik halyqty aqparattandyrý jumystaryn belsendi júrgizip jatyr. Jalpy, saılaýǵa daıyndyq asa joǵary dep aıta alamyn» dep túıindeıdi áńgimesin elshi.