Túrkııada Threads áleýmettik jelisi buǵattan shyǵaryldy
ASTANA.KAZINFORM - Túrkııanyń básekelestik keńesi elde eki jyldan astam ýaqyt boıy qoldanylyp kele jatqan Threads-ke qatysty ýaqytsha sot buıryǵyn alyp tastady.
Monopolııaǵa qarsy vedomstvo Threads platformasyna ıelik etetin Meta kompanııasy qajetti mindettemelerdi oryndaǵanyn, bul qyzmettiń endi jańa erejelerge sáıkes jumys isteýine múmkindik bergenin málimdedi.
Threads platformasyna qosylǵysy keletin paıdalanýshylarǵa endi Instagram profıliniń bolýy mindetti emes.
- Paıdalanýshylarǵa «Threads-ty Instagram akkaýntymen paıdalaný» nemese «Instagram akkaýntynan táýelsiz uıaly telefon nómirin paıdalanyp akkaýnt qurý» optsııasy usynylady. Threads-ty Instagram-nan táýelsiz paıdalanýdy tańdaǵan paıdalanýshylardyń Instagram akkaýntynan alynǵan jeke derekter Threads-pen biriktirilmeıdi, - delingen Túrkııanyń monopolııaǵa qarsy vedomstvo málimdemesinde.
Túrkııa bıligi áleýmettik jelini 2024 jyldyń sáýirinde Threads pen Instagram paıdalanýshylary derekteriniń ıntegratsııasy tsıfrlyq platforma naryǵyndaǵy básekelestikti shekteýi múmkin degen alańdaýshylyqqa baılanysty buǵattaǵan bolatyn.
Biz buǵan deıin Germanııada TikTok-qa balama jańa áleýmettik jeli iske qosylatynyn habarlaǵan edik.
