Túrkııada terrorızmge kúdikti 33 adam qamaýǵa alyndy

ASTANA. KAZINFORM — Túrkııanyń 20 provıntsııasynda terrorızmge kúdikti 33 adam qamaldy, dep jazady AZERTADJ.

Túrkııa ishki ister mınıstri Alı Erlıkaıa eldiń 20 provıntsııasynda júrgizilgen aýqymdy antıterrorıstik operatsııanyń aıaqtalǵanyn habarlady.

Mınıstrdiń málimetinshe, jandarmerııa kúshteriniń sońǵy eki aptadaǵy jumysy nátıjesinde FETÖ («Paralleldi memleket» terrorıstik uıymy) uıymymen baılanysy bar degen kúdikpen 50 adam ustalǵan, olardyń 33-i sot sheshimimen qamaýǵa alynǵan.

Kúdiktilerge terrorıstik uıymǵa qatysý, oǵan qarjylaı qoldaý kórsetý, sondaı-aq áleýmettik jelilerde terrorıstik ıdeologııany nasıhattaý boıynsha aıyptar taǵylǵan.

Alı Erlıkaıanyń aıtýynsha, 2025 jyldyń basynan beri Túrkııada FETÖ uıymynyń 910 múshesi qamaýǵa alynyp, taǵy 1000-nan astam adamǵa elden shyǵýǵa tyıym salynǵan.

Budan buryn habarlanǵandaı, Túrkııanyń 41 provıntsııasynda terrorızmge qatysy bar 360-tan astam kúdikti quryqtaldy.