Túrkııada terrorızmge qatysy bar 360-tan astam kúdikti ustaldy

ASTANA. KAZINFORM — Túrkııanyń 41 provıntsııasynda terrorızmge qatysy bar 360-tan astam kúdikti quryqtaldy, dep habarlaıdy AZERTADJ.

Túrkııanyń ishki ister mınıstri Alı Erlıkaıa áleýmettik jelilerde terrorlyq uıym — «Parallel memleket» (FETÖ) terrorıstik uıymyna qatysy bar tulǵalardy ustaýǵa baǵyttalǵan keń aýqymdy operatsııalar týraly habarlady.

Agenttik habarlaǵandaı, mınıstrdiń málimetinshe, sońǵy eki apta ishinde eldiń 41 provıntsııasynda, sonyń ishinde Ankara, Ystanbul jáne Izmır qalalarynda arnaıy operatsııalar júrgizilgen.

— Jalpy 361 terrorızmge kúdikti ustaldy. Olar tyıym salynǵan uıymnyń qyzmetine qatysý, terrorıstik qurylymdardy qarjylandyrý jáne nasıhattaý, sondaı-aq ByLock dep atalatyn shıfrlanǵan baılanys qosymshasyn qoldaný boıynsha aıyptalyp otyr, — dep jazdy mınıstr.

Sondaı-aq, ol operatsııalarǵa qatysqan barlyq kúshtik qurylym qyzmetkerine alǵys bildirdi.

Budan buryn Túrkııa krıptovalıýtalarǵa baqylaýdy kúsheıtetini málim boldy.