Túrkııada teńiz deńgeıinen 2 625 metr bıiktikte qoı qyrqýdan jarys ótti

NUR-SULTAN. QazAqparat - Túrkııanyń ońtústik-shyǵysynda ornalasqan Shırnak provıntsııasynyń Farashın jaıylymynda qoı qyrqýdan jarys ótti, dep xabarlaıdy QazAqparat Anadoly agenttigine silteme jasap.

Teńiz deńgeıinen 2 625 metr bıiktikte ótken sharaǵa jan-jaqtan týrıster aǵyldy.

Festıvaldy eldiń mádenıet jáne týrızm mınıstri Ahmet Halýk Dýrsýn ashty. Onyń aıtýynsha, Túrkııanyń ońtústik-shyǵysyndaǵy qaýipsizdikti qamtamasyz etý óńirdegi aýyl sharýashylyǵyn damytýǵa jáne týrısterdi kóbirek tartýǵa jaǵdaı jasaıdy.

Shırnak gýbernatory Mehmet Aktashtyń sózine qaraǵanda, aýyl sharýashylyǵy - óńir ekonomıkasynyń ózegi.

«Qoı qyrqý» festıvali - Túrkııanyń ońtústik-shyǵysyndaǵy dástúrler men mádenıettiń kórinisi, dostyq pen yntymaqtyń sımvoly", - dedi Aktash.

Aıta keteıik, Túrkııa ońtústik-shyǵysynda Sırııamen jáne Irakpen shektesedi.