Túrkııada temirjol aparynyń saldarynan ondaǵan adam jaraqat aldy
ASTANA. Mamyrdyń 7-si. QazAqparat - Túrkııanyń soltústik-batysynda eki poıyzdyń soqtyǵysýy saldarynan eń az degende 32 adam zardap shekti,
dep habarlaıdy Associated Press.
Oqıǵa Ystambuldan 100 shaqyrym jerdegi Kodjaelı provıntsııasynda oryn aldy. Ázirge anyqtalmaǵan sebeptermen eki poıyz qarsy kelip qalǵan jáne mashınıster soqtyǵysýdyń aldyn ala almaǵan.
Barlyq zardap shekkender oqıǵa ornyna jaqyn jerdegi aýrýhanaǵa jedel jetkizilgen. Qalǵan jolaýshylar qaýipsiz jerge kóshirilgen. Oqıǵanyń sebebi ázirge anyqtalǵan joq.
Túrkııada sońǵy jyldardaǵy eń úlken temirjol apaty 2004 jyly oryn alǵan edi. Ystambul-Ankara ekspresi relsten shyǵyp ketip, oqıǵa saldarynan 37 adam opat bolǵan.
