Túrkııada «telefondardy tyńdaý» isine qatysty 20 adam qamaýǵa alyndy
ASTANA. QazAqparat - Túrkııada joǵary laýazymdy memlekettik qyzmetkerler men saıasatkerlerdiń, atap aıtqanda Túrkııa prezıdenti Rejdep Taıyp Erdoǵannyń telefonmen bolǵan áńgimelerin zańsyz tyńdady degen kúdikpen taǵy 20 adam qamaýǵa alyndy, dep habarlady VVS.
Qamaýǵa alynǵandardyń kóbi Túrkııanyń telekommýnıkatsııalar departamenti men Ǵylymı-tehnologııalyq zertteý keńesinde jumys istegen. Olar is boıynsha kezekti reıdti ótkizý kezinde ustaldy.
Byltyr dál osyndaı aıyppen ondaǵan adam qamaýǵa alynǵan edi. Sonymen qatar, qańtar aıynyń birinshi aptasynda quqyq qorǵaý organdary zańsyz tyńdaý uıymdastyrdy degen aıyppen polıtsııanyń 20 ofıtserin qamaýǵa alǵan bolatyn.
Túrik úkimeti tyńdaýmen aınalysý qazirgi kezde AQSh-ta qýǵynda júrgen Fethýllah Gıýlen basqaryp otyrǵan oppozıtsııalyq naýqannyń bir bóligi ekenin málimdedi. Erdoǵanyń pikirinshe, Gıýlenniń maqsaty - Túrkııadaǵy bılikti aýystyrý. Gıýlenniń ózi bolsa tyńdaý týraly iske qatysynyń joq ekenin aıtady.
