Túrkııada tegin demalǵan qazaqstandyq «ónerimen» bólisti
Reseılik arnanyń sıýjetinde «All inclusive» sýsyndary men ashanalardan tegin tamaqtaný dástúrge aınalyp bara jatqany aıtylyp, oǵan mysal retinde qazaqstandyq bloger Fıma Ivanovtyń beınematerıaly keltirilgen.
Beınematerıalda ol óz qonaqúıinen shyǵyp, kórshi otelge baryp, tegin tamaqtanyp, jaǵajaı qyzmetterin aqysyz paıdalanǵanyn aıtady.
«Men Túrkııada birinshi ret túsirip turǵanym joq. Biraq, mynandaı rolıkti alǵash túsirýim. Muny kópten beri oılastyryp júrgen edim, nede bolsa táýekelge dál osy joly bardym. Men «eger suraqtar jaýdyrsa, qalaı qutylamyn» degen suraq qatty ýaıymdatty. Eger olaı bola qalǵan jaǵdaıda da ábden tyıym salǵanǵa deıin kamerany óshirmeıin dep sheshtim», - deıdi ol.
Kóptegen jaqsy otelder yńǵaısyz bolǵandyqtan, braslet júıesinen bas tartqan. Sondyqtan, sol oteldiń demalýshysyna uqsap, kez kelgen adam kirip, otel qyzmetin tegin paıdalanyp ketedi. Alaıda, Fıma Ivanov rolıktegideı áreketti qaıtalamaý qajettigin eskertedi.
«Jergilikti zań talaptary boıynsha mundaı áreketke barǵandar zańmen jazalanady, tipti túrmege de qamalýy múmkin», - deıdi Fıma Ivanov.