Túrkııada «Taraz» fýtbolshylary makedonııalyq «Tetekspen» teń tústi
ALMATY. 22 qańtar. QazAqparat - Túrkııanyń Antalııa qalasyndaǵy alǵashqy oqý-jattyǵý jıyny sheńberinde "Taraz" fýtbol komandasy keshe sońǵy sparrıngtik kezdesýin ótkizdi.
Tarazdyqtar Makedonııanyń «Teteks» komandasymen 0:0 esebimen teń tústi. Munyń aldynda 20 qańtar kúni Horvatııanyń "Osıek" komandasyna 0:2 bolyp jeńilip, 16 qańtarda Lıvııanyń «Al-Ittıkat» komandasyn 1:0 esebimen utqan bolatyn. Sondaı-aq 13 qańtarda alǵashqy sparrıngte Túrkııanyń «Arsınspor» komandasyna 1:2 esebimen ese jibergen edi.
Erteń elge oralatyn tarazdyqtar birneshe kún tynyǵyp, Túrkııaǵa qaıta oralady. Olar 27 qańtar men 10 aqpan aralyǵynda Belek qalasynda shet eldegi ekinshi oqý-jattyǵý jıynyn ótkizedi. Onda 30 qańtar men 3, 6, 9 aqpan kúnderi tórt sparrıngtik kezdesý ótkizedi. Komandanyń baspasóz qyzmetiniń habarlaýynsha, olardyń ázirge úsh qarsylasy belgili bolyp otyr. Olar - «Volga», «Rad» jáne «Radnıchkı» fýtbol komandalary.
