Túrkııada taǵy da jer silkindi
ASTANA. 27 qazan. QazAqparat - Túrkııanyń Hakkıarı provıntsııasynda búgin taǵy da jer silkindi, dep jazdy bnews.kz saıty.
CNNTurk telearnasynyń habarlaýynsha, onyń magnıtýdasy 5,4 baldy qurady.
Apat bolǵan Van provıntsııasyna jaqyn ornalasqan eldi mekenderde halyq arasynda úreı týdy. Turǵyndardyń jaǵdaıyn búgin Túrkııada bastalǵan qar odan beter ýshyqtyryp tur, dep habarlaıdy ITAR-TASS.
Tabıǵı apat oryn alǵan jerden zardap shekkender men ǵımarattardyń qıraýy jóninde ázirge esh aqparat kelip túsken joq.
Esterińizge sala keteıik, 23 qazanda Túrkııanyń Van provıntsııasynda magnıtýdasy 7,2-ge jetken joıqyn jer silkinisi boldy. Keıin, jeksenbi kúni keshkisin, magnıtýdasy 6,1-ge teń jer silkinisi qaıta tirkeldi.
Sońǵy málimetter boıynsha, 523 adam tabıǵı apat qurbanyna aınalyp, shamamen 1650 adam zardap shekti, sonymen qatar 2 262 qurylys nysandary tolyǵymen qırap qalǵan.
