Túrkııada taǵy da dúrbeleń bastaldy
ASTANA. 12 qyrkúıek. QazAqparat - Búgin túnde Túrkııada taǵy da tártipsizdikter oryn aldy. Narazylyq sherýi búkil eldi sharpyp,
Ystambul, Іzmir jáne Ankara kóshelerine myńdaǵan adam shyqty. Sherýshiler eldiń Premer-Mınıstri Taıyp Erdoǵannyń otstavkaǵa ketýin talap etti, dep habarlady sheteldik BAQ.
Taraǵan aqparatqa qaraǵanda, narazylyq aktsııasyna shyqqandar tosqaýyl quryp, arnaıy qyzmet jaýyngerlerine tas laqtyrǵan. Al tártip saqshylary sherýshilerdi sýmen jáne kózden jaz aǵyzatyn gazben atqylaǵan. Sonymen qatar el astanasy áýesine polıtsııa tikushaǵy da kóterilgen. Jaraqat alǵandar jaıynda aqparat bar, ondaǵan adam tutqynǵa alynǵan.
Úkimetke qarsy jańa tolqyn barysynda eldiń ońtústiginde narazylyq aktsııasyna qatysýshylardyń biri mert boldy. Ótken jeńsenbi kúni jas jigit belgisiz jaǵdaıda ǵımarattyń tóbesin qulap ketken edi.
