Túrkııada taǵy 4,5 myń memlekettik qyzmetshi jumystan qýyldy
ASTANA. QazAqparat - Túrkııada ótken jyldyń shilde aıynda áskerı tóńkeris jasaý áreketinen keıin bastalǵan «tazartý» jumystary áli kúnge deıin jalǵasýda.
Bul joly taǵy 4464 memqyzmetshi jumystarynan ketti, dep habarlaıdy QazAqparat Resmi Gazete gazetine silteme jasap.
Tótenshe jaǵdaı rejimi aıasynda zań kúshine ıe - Úkimettiń sheshimimen, bilim berý júıesiniń - 2585, jandarmerııanyń - 893 jáne qaýipsizdik qyzmetiniń 417 qyzmetkeri jumystan qýyldy, dep jazady «RIA Novostı» agenttigi.
Túrkııadaǵy áskerı tóńkeris 16 shildege qaraǵan túni oryn aldy.
Birneshe kún ótken soń elde tótenshe rejim engizildi. 240-tan astam azamat qaza boldy, 2 myńnan astamy jaraqattandy.
Túrkııa bıligi oppozıtsııalyq ıslamdyq nasıhattaýshy Fethýllah Gúlendi tóńkeris uıymdastyrmaq boldy dep aıyptap, AQSh-tan ony ekstradıtsııalaýdy surady. Gúlen bolsa, bolǵan jaǵdaıǵa qatysy joqtyǵyn málimdedi.
Buǵan deıin Túrkııa prezıdenti Taıyp Erdoǵan málim etkendeı, Gúlenniń (FETO) uıymyna qatysy bar 43 myń adam tutqyndaldy, 93 myńǵa jýyq memqyzmetshi qyzmetterinen qýyldy.
