Túrkııada taǵy da qonaqúı órtendi
MARMARIS. KAZINFORM – Túrkııanyń Marmarıs qalasynda ornalasqan bes juldyzdy qonaqúı órtenip, 6 adam aýrýhanaǵa tústi.
DHA agenttiginiń habarlaýynsha, qonaqúıde 680-ge jýyq adam demalyp jatqan. Órt kezinde ǵımaratta bolǵan barlyq adam evakýatsııalandy. Aýrýhanaǵa túskenderdiń jaǵdaıy ortasha dep baǵalanady.
Eske salsaq, jyl basynda Túrkııanyń Bolý qalasyndaǵy Kartalkaıa taý-shańǵysy kýrortynda órt boldy. Qonaqúıden shyqqan órtten bir otbasynan 14 adam qaza tapqan bolatyn. El prezıdenti Erdoǵan olardyń jaqyndary men týystaryna kóńil aıtty.
Sondaı-aq Túrkııanyń Alanıa qalasynda salynyp jatqan qonaqúı ǵımaratynan órt shyqty.
Mereı Ámirtaı