Túrkııada sot sheshimimen Twitter qaıta ashyldy
ASTANA. QazAqparat - Búgin Túrkııada Ankara ákimshilik sotynyń qaýlysymen Twitter shaǵyn blogynyń ınterner-servısine qoıylǵan shekteý alyndy. Osylaısha, Túrkııa advokattarynyń 20 naýryz kúni resýrstarǵa shekteý qoıylǵannan keıin birden bergen shaǵymdary qanaǵattandyryldy.
«Twitter-ge kirýge shekteý qoıý quqyqtyq mektep prıntsıpterine qarama-qaıshy», - delingen ITAR-TASS silteme jasaǵan sot sheshiminde. Aıta keteıik, Túrkııa premer-mınıstri Redjep Taııp Erdogan 20 naýryz kúni Ádilettik jáne damý partııasynyń saılaýaldy mıtıngisinde Túrkııada barlyq áleýmettik jeliler, onyń ishinde Twitter jabylatynyn málimdegen bolatyn. Al buǵan halyqaralyq qaýymdastyqtyń qalaı qaraıtyny úkimetti tolǵandyrmaıdy dep atap ótken-di. Sol kúni túnde BTK túrik telekommýnıkatsııalyq retteýshisi Twitter-di múldem jaýyp tastaǵan edi.
