Túrkııada sońǵy jer silkinisinen keıin úıindi astynan 32 adam qutqaryldy

ANKARA. ANADOLU. QazAqparat – Búgin Túrkııanyń Malatıa provıntsııasynda 5,6 baldyq jer silkinisi boldy. Zilzaladan keıin qıraǵan úıindiler astynan 32 adam qutqaryldy, dep habarlaıdy QazAqparat Anadolu agenttigine silteme jasap.

Túrkııa úkimeti janyndaǵy tótenshe jaǵdaılardyń aldyn alý jáne joıý basqarmasynyń (AFAD) basshysy ıÝnýs Sezerdiń aıtýynsha, jerasty dúmpýleri 29 turǵyn úıdiń qulaýyna ákelip soqtyrdy. Saldarynan bir adam qaza taýyp, 110 turǵyn jaraqat aldy.

Jer silkinisinen qıraǵan eki úıdiń úıindi astynan adamdardy qutqarý jumystary jalǵasýda jáne oǵan 657 adam jumyldyryldy.

Sondaı-aq, Túrkııanyń tótenshe jaǵdaılardyń aldyn alý jáne joıý basqarmasynyń basshysy azamattarǵa qıraǵan úılerden aýlaq bolý kerektigin eske saldy.

«Apat aımaǵynda turatyn barlyq azamattyń uıaly telefondaryna SMS-habarlama jiberildi. Jer ara-tura silkinip jatyr, zaqymdanǵan úıler qulaýy múmkin», - dedi ıÝnýs Sezer.

Aıta ketsek, Túrkııanyń Malatıa provıntsııasynda 5,6 baldyq jer silkinisi boldy.

Zilzala jergilikti ýaqyt boıynsha saǵat 12:04-te tirkelgen. Onyń epıtsentri Ieshılıýtr aýdanynda boldy. Jer silkinisiniń oshaǵy 6,96 km tereńdikte jatyr.