Túrkııada sońǵy eki aptada koronavırýs ınfektsııasy bes ese ósti
Túrkııanyń densaýlyq saqtaý mınıstri 50 jastan asqan jáne qaýipti toptaǵy azamattarǵa júginip, eger ekpe alǵannan beri alty aıdan astam ýaqyt ótken jaǵdaıda olardy qaıta revaktsınatsııadan ótýge (qaıta ekpe alýǵa) shaqyrdy.
Ótken aptada Túrkııanyń dárigerler odaǵy el basshylyǵyna syrqattanýshylyqtyń ósý jaǵdaıyna qaraı shekteý sharalaryna oralýdy eskertti. Uıym jabyq ǵımarattarda betperdeni mindetti túrde kııýdi engizýdi, balalardy vaktsınatsııalaýdy bastaýdy, indetke testileýdi qamtýdy jáne aýrýdyń jaǵdaıy týraly málimetterdi apta saıyn emes, kúndelikti jarııalaýdy usyndy.
Koronavırýstyń (BA.5) omıkron shtammynyń taǵy bir sımptomy belgili boldy. Ulybrıtanııanyń ımmýnolog- professorynyń aıtýynsha, bul belgi eresekterde de, balalarda da paıda bolýy múmkin.
Bul túngi terleý týraly bolyp tur. Maman onyń sonshalyqty kúshti bolýy múmkin ekenin, ıaǵnı terlegennen jatyn kıimderi men tósek-oryndarynyń da dymqyldanyp ketetinin atap ótti. Sonymen qatar ol bunyń joǵary temperatýraǵa esh qatysy joq ekendigin aıtty.
Qazir koronavırýs belgileri men aǵymy boıynsha basqa JRVI-den ajyratylmaıdy, alaıda ol ártúrli aýrýlardyń qozýyna ákelýi múmkin.
Sondaı-aq, ol ártúrli tromboembolııalyq asqynýlardyń damýymen júrek-tamyr júıesi, tirek-qımyl júıesi, teri, ókpe, ártúrli aýtoımmýndy aýrýlardyń manıfestatsııasyn nemese qozýyn týdyratyn qıyn aýrý bolyp qala beredi.
Taza aýada serýendep, tynys alý jattyǵýlaryn jasap, jańa pisken jemister men kókónisterdi paıdalaný, aýrýdan keıin qaıta qalpyna kelýge kómektesedi. Eger aýrýdyń belgileri uzaqqa sozylsa, onda ózi buryn bilmegen aýrýdyń órshýine alyp kelýi múmkin jaǵdaıǵa tap bolmas úshin naýqas dárigermen keńesý kerek.
