Túrkııada shyǵatyn jýrnal bir sanyn qazaq aqynyna arnady
ALMATY. QazAqparat - Túrkııada shyǵatyn «Baýyrlas qalamdar» jýrnaly aqpan aıyndaǵy sanyn aqyn Esenqul Jaqypbekkke arnady, dep habarlaıdy «QazAqaparat» Qazaqstannyń Túrkııadaǵy elshiligine silteme jasap.
Qazaqstan Prezıdenti Nursultan Nazarbaevtyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Joldaýy men «Bolashaqqa baǵdar: rýhanı jańǵyrý» baǵdarlamasy aıasynda Qazaqstannyń Túrkııadaǵy elshiliginiń qoldaýymen, Eýrazııa Jazýshylar qaýymdastyǵyna qarasty «Kardash kalamler» jýrnalynyń aqpan aıyndaǵy sany Mádenıet salasynyń úzdigi, aqyn Esenqul Jaqypbektiń shyǵarmashylyǵyna arnaldy.
Jýrnalǵa aqynnyń kózi tirisinde jazǵan «Ómirimdi óleńsiz elestete almaımyn», maqalasy men Qazaqstannyń Túrkııadaǵy elshisi Abzal Saparbekulynyń «Táńir taýdyń daýysy», Eýrazııa Jazýshylar qaýymdastyǵynyń tóraǵasy ıAkýb Omaroǵlynyń «Mahabbatty súıgen aqyn» jáne aqyn Ataman Kalebozon hanymnyń «Óleń, óleń, óleńmin men» dep jyrlaıdy Esenqul Jaqypbek», Ulttyq sport túrleri qaýymdastyǵynyń qurmetti prezıdenti, general-maıor Qaırat Satybaldyulynyń «Elin súıgen, eli súıgen aqyn», jazýshy Naǵashybek Qapalbekulynyń «Aqyn Esenqul», aqyn Kádirbek Qunypııaulynyń «Máńgilik iz» atty maqalalary engen.
Sondaı-aq, basylymǵa Esenqul Jaqypbektiń toptama óleńderi men fotoshejireleri endi. Materıaldardy túrik tiline aýdaryp, daıyndaǵan dıplomat-jazýshy Málik Otarbaev.
Esenqul Jaqypbekov - 1954 jyly 10 aqpanda Almaty oblysy, Jambyl aýdanyndaǵy Birlik aýylynda týǵan. Eńbek jolyn mektep bitirgen soń aýdandyq gazet redaktsııasynda bastady. Qazaq Memlekettik ýnıversıtetiniń jýrnalıstıka fakýltetin bitirgen.
Ol uly Jambyldyń jyraýlyq mektebiniń laıyqty túlegi, kórnekti ókilderiniń biri retinde jastaıynan-aq elge keńinen tanyldy. Aıtys alamanynda otyz jyldan astam ýaqyt ter tógip, televızııalyq aıtystyń tuńǵysh jeńimpazy atandy. Esenqul Jaqypbektiń Ásııa Berkenova, Áselhan Qalybekova jáne qyrǵyz aqyny Áshiráli Aıtalıevpen bolǵan sóz saıystary aıtystyń klassıkalyq úlgisi retinde este qaldy. Qalam men dombyrany teń ustaǵan aqyn kóp jyldan beri ónerli jas jetkinshekterge dáris berip, qanattarynyń qataıýyna zor úles qosty. Ómiriniń sońǵy jyldarynda alǵashqy jyrlaryn oqyrmanǵa jarııa etken aýdandyq «Atameken» gazetiniń bas redaktory boldy. Sanaly ǵumyryn ádebıet, jýrnalıstıka salasyn damytýǵa arnap, ultjandy, namysshyl, mamandyǵyna adal jan ekendigin dáleldedi.
«Qarlyǵash», «Bastaý», «Biz ekeýmiz», «Aǵymnan jarylamyn», «Jerge tabyn», «Janqıssa», «Esil dúnıe-aı», «Bizdiń eldiń jigitteri», «Bul jaz da óter», «Jetisý jyrlaıdy», «Sarǵaıǵan sary tereze», «Taý basynda kári qar», «Tazqara qustyń taǵdyry» syndy onnan asa kitaptary oqyrman júreginen jol tapqan. Eki júzge jýyq óleńderine án jazyldy. «Qara kúz», «Aldaı-aý», «Juldyzdar bárin boljaıdy», «Tumandy kún» sııaqty jıyrmaǵa jýyq án shyǵarǵan kompozıtorlyq qyry da halyq arasyna keńinen taraǵan.
Qazaqstan Jazýshylar odaǵynyń múshesi, Mádenıet salasynyń úzdigi, Prezıdent stıpendııasynyń, Birjan sal atyndaǵy syılyqtyń ıegeri, «Qazaqstan Respýblıkasynyń táýelsizdigine - 10 jyl», «Eren eńbegi úshin», «Astana qalasyna - 10 jyl», «Qazaqstan Respýblıkasynyń táýelsizdigine - 20 jyl» merekelik medaldarymen marapattalǵan.
