Túrkııada shyǵarylatyn jańa Bayraktar áýede 50 saǵatqa deıin usha alady

ANKARA. Anadoly- QazAqparat - Ushqyshsyz basqarylatyn Bayraktar TB3 jańa apparaty áýede basqalaryna qaraǵanda uzaǵyraq ýaqyt – 50 saǵatqa deıin usha alady. Seısenbi kúni T3 qorynyń basshysy Seldjýk Baıraktar Baký qalasynda tilshilerge jańa ushqyshsyz basqarylatyn apparattardyń shyǵarylýy týraly baıandap berdi, dep habarlaıdy QazAqparat Anadoly aqparat agenttigine silteme jasap.

«Qazirgi ýaqytta qysqa ushý-qoný jolaqtarynda ushyp-qonatyn Bayraktar TB-3 prototıpin jetildirý jumystary júrgizilýde. Bayraktar TB3 alǵashqy ushýyn 2022 jyldyń basynda jasaıdy dep úmittenemiz», - dedi Baıraktar. Onyń aıtýynsha, jańa Bayraktar TB3 ushqyshsyz ushatyn apparattaryn ázirleýge Ázirbaıjannyń mamandary da qatysýda. T3 qorynyń basshysy Bayraktar TB-2-ni óz klasyndaǵy eń úzdigi dep atady.

«Qarabaqty azat etý úshin júrgizilgen soǵystyń qorytyndysy boıynsha Túrkııada jasalǵan ushqyshsyz ushý apparattaryna qyzyǵýshylyq kúrt artty. Bul ushqyshsyz ushý apparattary urys dalasynda ǵana emes, órtti sóndirýge, jer silkinisiniń saldaryn joıýǵa da kómektese alady», - dedi ol.