Túrkııada ishimdikten ýlanyp qaza tapqan ózbekstandyqtar sany 14-ke jetti

ASTANA. KAZINFORM — Túrkııada jalǵan alkogoldik ishimdik ishken Ózbekstannyń taǵy tórt azamaty kóz jumdy.

Ózbekstannyń Ystanbuldaǵy bas konsýldyǵynyń málimetinshe, 14 qańtardan beri Ózbekstannyń 6 azamaty alkogolden ýlanyp qaıtys bolǵan. Odan keıin 15 qańtarda 4 adam mas bolyp, eki kúnnen keıin taǵy 4 Ózbekstan azamaty osyndaı ýlaný belgilerimen kóz jumdy. Osylaısha, búginge deıin Ystanbulda Ózbekstannyń 14 azamaty qaıtys boldy.

Ózbekstannyń Bas konsýldyǵynyń qyzmetkerleri jalǵan alkogolden ýlanǵan ózbekstandyqtar emdelip jatqan Ystanbul aýrýhanalarynyń jansaqtaý bólimderinde boldy. Dárigerlerdiń aıtýynsha, olardyń úsheýiniń jaǵdaıy aýyr dep baǵalanyp otyr.

Ýákiletti organdar tergeýdi jalǵastyryp jatyr. Qazirgi ýaqytta kontrafaktili alkogoldik ónimderdi óndirýmen jáne taratýmen aınalysqan toǵyz adamnyń ustalǵany týraly áńgime júrip jatyr. Qala bıligi turǵyndardy alkogoldik ishimdikterdi satyp alǵanda abaı bolýǵa shaqyrdy.

Ystanbulda Ózbekstannyń alty azamaty, onyń ishinde bir áıel sapasyz alkogolden ýlanyp, qaıtys boldy.

Ótken aptanyń úsh kúninde Ystanbulda 19 adam qaza tapqanyn buǵan deıin habarlaǵan edik. Keıin jalǵan alkogolden zardap shekkenderdiń sany 30 adamǵa deıin óskeni belgili boldy. Artynsha oǵan taǵy 8 adam qosyldy.

Buǵan deıin Ystambulda ishimdiktiń kesirinen bir kúnde Ózbekstannyń 5 azamaty kóz jumǵany aıtyldy.