Túrkııada sheteldik professorlar sanyna jańa shekteý qoıylady

ASTANA. KAZINFORM — Túrkııa joǵary oqý oryndarynda sheteldik oqytýshylar sany 2%-dan aspaýy múmkin. Bul týraly AZƏRTAC agenttigi habarlady.

Túrkııanyń joǵary oqý oryndarynda kelisimshart negizinde jumys isteıtin sheteldik azamattar sany ýnıversıtetterdegi jalpy professorlyq-oqytýshylyq quramnyń 2 paıyzynan aspaýy tıis. 

Tıisti zań jobasy Túrkııa Uly Ulttyq Májilisiniń (parlamentiniń) jalpy otyrysynyń kún tártibine engizilgen.

Zań jobasynyń avtorlarynyń aıtýynsha, bul ózgerister Túrkııanyń joǵary bilim berý júıesinde kadrlyq saıasatty tıimdirek josparlaýǵa múmkindik beredi.

Túrkııanyń Joǵary bilim berý keńesiniń (YÖK) málimetinshe, 2023–2024 oqý jylynda el ýnıversıtetterinde kelisimshart negizinde shamamen 3 myńǵa jýyq sheteldik maman qyzmet atqarǵan. Olardyń basym bóligi Iran, Ázerbaıjan, AQSh jáne Sırııa azamattary bolǵan.

Atap aıtqanda, Túrkııa ýnıversıtetterinde jumys isteıtin 235 ázerbaıjandyq ǵalym men mamannyń ishinde 39-y – professor, 13-i – dotsent dárejesine ıe. 

Aıta ketelik Túrik lırasy damýshy elderdiń valıýtalary arasynda qunsyzdaný jaǵynan ekinshi orynǵa shyqqany týraly jazǵan edik.