Túrkııada shahtada qaza bolǵandardyń sany 274-ke jetti
ASTANA. QazAqparat - Túrkııanyń batysy Manısa provıntsııasyndaǵy Soma shahtasynda qaza bolǵandardyń sany 274-ke jetti dep habarlaıdy Assoshıeıted Press agenttigi Túrkııa Energetıka jáne tabıǵı resýrstar mınıstri Taner Iyldyzdyń málimdemesine silteme jasap.
Buǵan deıin 245 adam ajal qushty dep habarlanǵan bolatyn. Iyldyzdyń aıtyýnsha, Somadaǵy shahtadaǵy jarylys el tarıhyndaǵy eń iri apat bolyp sanalady. Apat seısenbi kúni tústen keıin Ystambuldan 250 shaqyrym qashyqtyqtaǵy Soma eldi mekeninde oryn aldy. Eldiń energetıka mınıstri Taner Iyldyzdyń aıtýynsha, elektr symynyń tuıyqtalýy órtke jáne jarylysqa ákep soqtyrǵan. Jarylys kezinde jer astynda 787 adam bolǵan. Atalǵan oqıǵadan keıin 450 shahter qutqaryldy dep habarlady Soma Komur túrik shahtasynyń operator-kompanııasy. 460 adam jumyldyrylǵan qutqarý jumystary jalǵasýda. Atap óteıik, 1941 jyldan beri Túrkııa shahtalarynda 3000-nan asa adam qaza boldy. Apattardyń eń irisi 1992 jyldyń 3 naýryzynda oryn aldy. Onda 263 jumysshy qaza bolǵan edi.
