Túrkııada shahtada bolǵan jarylystyń saldarynan 50 adam jer astynda qalyp qoıdy
ASTANA. Aqpannyń 24-i. QazAqparat - Seısenbi kúni Túrkııanyń Balykesır provıntsııasynda shahtada bolǵan jarylystyń saldarynan 50-ge jýyq jumysshy úıindi astynda qalyp qoıdy. Anadoly agenttiginiń habarlaýynsha, qutqarýshylar keshegi kúngi keshki jaǵdaı boıynsha jer astynan 23 adamdy shyǵara alǵan.
Shahterlardyń bireýinen ǵana «tirshilik belgisi baıqalmaǵan», qalǵandary jaqyn mańdaǵy aýrýhanalarǵa túrli synyq, kúıik jaraqattarymen jáne ýlaný saldarlarymen jetkizilgen.
Oqıǵa ornynda qutqarýshylar men medıkter brıgadasy adamdardy izdestirý jumystaryn jalǵastyrýda.
