Túrkııada shahtada bolǵan jarylystan qaza tapqandar sany 200-den asty
ASTANA. QazAqparat - 13 mamyrda Túrkııanyń batysyndaǵy shahtada bolǵan jarylystan qaza tapqandar sany 201 adamǵa jetti, dep habarlaıdy Bı-Bı-Sı. Úıindi astynan júzdegen adamdar áli izdestirilýde.
Apat Ystambuldan 250 shaqyrym qashyqtyqtaǵy Soma eldi mekeninde oryn aldy. Eldiń energetıka mınıstri Taner Iyldyzdyń aıtýynsha, elektr symynyń tuıyqtalýy órtke jáne jarylysqa ákep soqtyrǵan. Al qala meri Manısa Djengız Ergıýnniń habarlaýynsha, jarylys qurbandarynyń sany áli naqty emes. Jarylys bolǵan sátte shahtada 580 kenshi jumys istep jatqan. Olardyń kópshiligi ózdiginen joǵaryǵa shyǵa aldy. Qazirgi ýaqytta oqıǵa bolǵan jerde qutqarý jumystary júrip jatyr.
