Túrkııada shahtada bolǵan jarylys 17 kenshiniń ómirin qıyp ketti
ASTANA. QazAqparat - 13 mamyrda Túrkııadaǵy shahtada bolǵan jarylystan qaza tapqandar sany 17 adamǵa jetti, dep habarlaıdy Reıter agenttigi.
Apat Ystambuldan 250 shaqyrym qashyqtyqtaǵy Soma eldi mekeninde oryn aldy. Aldyn ala málimetterge qaraǵanda, elektr symynyń tuıyqtalýy órtke jáne jarylysqa soqtyrǵan. Jarylys bolǵan sátte shahtada 580 kenshi jumys istep jatqan. Olardyń 280-i ózdigimen joǵaryǵa shyǵa aldy. Qazirgi ýaqytta oqıǵa bolǵan jerde qutqarý jumystary júrip jatyr.
Assoshıeıted Press agenttiginiń habarlaýynsha, qutqarý sharalary barysynda 20 kenshini joǵaryǵa shyǵarýdyń sáti túsken, olardyń 11-i aýrýhanaǵa jatqyzyldy. Al Bı-Bı-Sı-diń derekterine qaraǵanda, qansha adamnyń jer astynda qalǵany ázirge belgisiz. Shahtaǵa aýa jiberilýde.
