Túrkııada shabýyl saldarynan úsh polıtseı qaza tapty
ASTANA. QazAqparat - Belgisiz bireýler Túrkııanyń Bıngel provıntsııasy polıtsııasynyń basshysyna shabýyl jasap, jaraqattady. Onyń janyndaǵy úsh ofıtser qaza tapty, dep habarlady RIA Novostı.
Oqıǵa el shyǵysyndaǵy provıntsııanyń ákimshilik ortalyǵynda bolǵan. Jergilikti polıtsııa basshysy Atalaı Ýrker «Islam memleketi» lańkestik tobyna qarsy buqaralyq sharalardan keıin japa shekken kásiporyndardy baqylap júrgen. Belgisiz bireýler Ýrker men onyń janyndaǵy úsh kómekshisine oq jaýdyrǵan.
Túrkııada buqaralyq tártipsizdikter jalǵasýda. Ony kúrd turǵyndary túrik úkimetiniń Sırııadaǵy jaǵdaıǵa aralaspaý týraly saıasatyna qarsylyq retinde uıymdastyryp otyr. Túrkııanyń alty provıntsııasynda, sonymen birge Stambuldyń birqatar aýdandarynda komendanttyq saǵat jarııalandy. Tártipsizdik saldarynan 20-dan astam adam zardap shekti.
