Túrkııada saılaýǵa qatysýshylardyń sany 78 paıyzdy qurady
YSTAMBUL. 16 qańtar. QazAqparat /Irına Dynnıkova/ - Túrkııanyń Ankara jáne Ystambul qalalaryndaǵy №230, №133 saılaý ýchaskelerinde, keshe jergilikti ýaqyt boıynsha saǵat tańǵy 7.00-den keshki 20.00-ge deıin
Qazaqstan Respýblıkasynyń kezekten tys Parlament Májilisi depýtattarynyń saılaýyna daýys berýshiler qatary úzilgen joq.
Óıtkeni saılaýǵa quqyǵyna ıe azamattarǵa, onyń basym bóligin Túrkııada bilim alyp júrgen stýdentterden quralatyn saılaýshylarǵa barlyq saıası partııalarǵa baılanysty tolyq aqparat berilgen bolatyn, dep habarlaıdy elshiliktiń baspasóz qyzmeti.
Antalııa jáne Býrsa qalalarynda turatyn Qazaqstan Respýblıkasynyń azamattary Parlamenttik saılaýǵa qatysýdy uıymdastyrý úshin Ystambul qalasyndaǵy QR Bas konsýldyǵyna ótinish jasaǵan.
Osyǵan oraı Qazaqstan azamattarynyń elimizdiń saıası ómirine barynsha belsendilikpen atsalysý maqsatynda, №133 saılaý ýchaskesinen atalǵan qalalarǵa arnaıy jyljymaly saılaý jáshikteri jetkizildi.
Ankara saılaý ýchaskesine de Túrkııanyń Eskıshehır, Konıa, Kaıserı sııaqty qalalarynan kelgen QR azamattary daýys berý quqyǵy qoldandy.
Sońǵy málimetter boıynsha, Túrkııada 738 Qazaqstan azamaty daýys bergen, bul saılaýshylardyń jalpy sanynyń 78% qurap otyr, dep habarlaıdy QR Túrkııadaǵy Elshiligi.
Bul óz kezeginde Túrkııadaǵy Qazaqstan azamattarynyń saılaýǵa qatysý belseńdiliginiń úlken azamattyq boryshynyń kórsetkishi.
