Túrkııada salynyp jatqan qonaqúıdegi órt sóndirildi

ASTANA. KAZINFORM — Túrkııanyń Alanıa qalasynda salynyp jatqan qonaqúı ǵımaratyndaǵy órt bastalǵannan keıin eki saǵattan soń tolyqtaı sóndirildi, dep habarlaıdy Kazinform menshikti tilshisi.

Пожар потушен в строящемся отеле Аланьи
Фото: www.hurriyet.com.tr

Aımaq gýbernatory Fatıh Ýrkmezerdiń aqparatyna sáıkes oqıǵa ornynda bolǵan barlyq jumysshy qutqaryldy. 

Órt eki bloktan turatyn 12 qabatty úıden shyqqan. Buryn bul ǵımarat qonaq úı jáne rezıdentsııa retinde paıdalanylsa, sońǵy ýaqytta qonaqúıge aınalý úshin jóndeý jumystary júrgizildi.

— Zardap shekkender joq, 4 adam qutqaryldy. Tútinnen úsh adam zardap shekti, olardyń jaǵdaıy qanaǵattanarlyq. Jaqyn mańdaǵy ǵımarattarǵa qaýip tónip turǵan joq jáne ol jerde evakýatsııalaý qajet bolmaǵan, — dep habarlady gýbernator.

Belgili bolǵandaı, jergilikti turǵyndar birinshi bolyp kómekke kelip, órtti sóndirýge tyrysqan. 

Oqıǵa ornyna jedel jetken órt sóndirýshiler jalyndy eki saǵattyń ishinde aýyzdyqtap, sóndirdi. Joǵarǵy qabattardaǵy adamdardy qutqarý úshin kótergish kran paıdalanyldy. Órttiń shyǵý sebebi anyqtalyp jatyr. 

Buǵan deıin Túrkııadaǵy qonaqúıde bolǵan órtten qaza tapqandar sany 79 adamǵa jetkenin habarlaǵan bolatynbyz. 

Сейчас читают