Túrkııada prezıdent saılaýy ótip jatyr
ASTANA. QazAqparat - Túrkııada búgin, 10 tamyz kúni el prezıdentin saılaý naýqany bastaldy. El halqy Abdýlla Gúldiń ornyna jańa prezıdent saılaıtyn bolady.
Túrkııa prezıdenttigine 3 úmitker talasýda. Olardyń qatarynda, memlekettiń qazirgi Úkimet basshysy Redjep Taıyp Erdoǵan saýalnamanyń sońǵy nátıjesi boıynsha kósh bastaýda. Ony ókshelep kele jatqandardyń biri oppozıtsııalyq partııanyń belsendisi Ekmeleddın Ihsanoǵlý. Úshinshi úmitker kúrdterdiń múddesin qorǵaýshy Selahattın Demırtash Halyqtyq demokratııalyq partııanyń jetekshisi bolyp tabylady.
El aýmaǵynda 165 myń saılaý bólimsheleri ashyldy. Sharaǵa 53 mıllıonǵa jýyq adamnyń qatysýǵa quqy bar. Shetelderde turatyn 2,7 mıllıon túrik azamattary da tańdaý jasamaq. Túrkııanyń qazirgi basshysy Abdýlla Gúldiń prezıdenttik quzyry 28 tamyzda aıaqtalady. Eger saılaýda úmitkerlerdiń eshqaısysy 51 paıyz daýys jınaı almasa, saılaýdyń ekinshi týry 24 tamyzda ótedi dep josparlanǵan. Túrkııada prezıdent 5 jylǵa saılanady.
