Túrkııada prezıdent pen parlament saılaýynyń nátıjeleri jarııalandy

ANKARA. QazAqparat - Túrkııanyń Joǵarǵy saılaý komıssııasynyń tóraǵasy Sadı Gıýven 24 maýsym kúni ótken el prezıdenti men parlamentiniń kezekten tys jalpyulttyq saılaýynyń qorytyndylaryn jarııa etti, dep habarlaıdy QazAqparat «Anadoly» agenttigine silteme jasap.

Ortalyq saılaý komıssııasynyń basshysy atap ótkendeı, Ádildik jáne damý partııasymen jáne Ulttyq is-áreket partııasymen (MHP) qurylǵan - «Halyq alıansynan» kandıdat retinde usynylǵan Rejep Taııp Erdoǵanǵa 26 mln 330 myń 823 (52,59%) saılaýshy daýys berdi.

Túrkııa prezıdenttigine ózge kandıdattardyń jınaǵan daýystary kelesideı: Respýblıkalyq halyq partııasynan úmitker (CHP) Mýharrem Indje - 30,64 % daýys; İYİ partııasynyń kóshbasshysy Meral Akshener - 7,29 % daýys; Demokratııalyq halyq partııasynan úmitker (HDP) Selahattın Demırtash - 8,40 % daýys; Saadet partııasynyń tóraǵasy Temel Karamollaoglý - 0,89% daýys; «Otan» partııasynyń kóshbasshysy Dogý Perınchek 0,20% daýys jınady.

Túrkııanyń Joǵarǵy saılaý komıssııasynyń tóraǵasy parlamenttiń 27-inshi shaqyrylymyna bes partııa ótkenin málim etti.

Atap aıtqanda, Ádildik jáne damý partııasy - 295 mandat, Respýblıkalyq halyq partııasy - 146, Demokratııalyq halyq partııasy (HDP) - 67, Ulttyq is-áreket partııasy - 49 jáne İYİ partııasy 43 mandat aldy.