Túrkııada polıtsııaǵa shabýyl jasaǵan 16 adam ustaldy
ASTANA. KAZINFORM – Túrkııanyń Shanlyýrfa provıntsııasynda ornalasqan Halfetı qalasynda narazy halyq mýnıtsıpalıtet ǵımaratynyń dál aldynda polıtsııamen qaqtyǵysty, dep habarlaıdy Kazinform menshikti tilshisi.
Mardın, Batman jáne Halfetı qalalarynyń merleri lańkestik qurylymdarmen baılanysy bar degen kúdikke ilinip, qyzmetinen bosatylǵannan keıin jergilikti turǵyndar mýnıtsıpalıtet ǵımarattary mańynda narazylyq sherýine shyqty.
Polıtsııa ǵımarattardyń janynda qaýipsizdik sharalaryn kúsheıtti, biraq mýnıtsıpalıtetterge basqa adamdardyń taǵaıyndalýy turǵyndardyń teris reaktsııasyn týdyrdy.
Osyndaı teketires kezinde bir top adam tártip buzýshylyqtyń aldyn alýǵa tyrysqan polıtseılerge tas laqtyra bastady. Tártipsizdik saldarynan 16 adam ustaldy. Quqyq qorǵaý organdary tergeý amaldaryn bastap, zańsyz áreketterge qatysqandardy jaýapqa tartatyn bolady.
Jergilikti bılik zań talaptaryn saqtaý kerektigin aıtyp, turǵyndardy sabyrǵa shaqyrsa, quqyq qorǵaý organdary aımaqtarda qaýipsizdikti qamtamasyz etýge ýáde berip otyr.
Túrkııadaǵy munaı óńdeý zaýytynda jarylys bolǵanyn jazǵan bolatynbyz.
