Túrkııada polıtsııa ýchaskesi janynda turǵan traktordy jaryp jiberdi, qaza tapqandar bar
ASTANA. QazAqparat - Túrkııanyń shyǵysyndaǵy Agry provıntsııasynyń polıtsııa ýchaskesiniń janynda bolǵan jarylys saldarynan kem degende eki áskerı qyzmetker qaza taýyp, 24-i jaraqat aldy, dep habarlaıdy jergilikti bılik kózderine silteme jasaǵan Assoshıeıted Press.
Oqıǵa Túrkııa men Iran shekarasyna taıaý ornalasqan Dogýbaıazıt qalasy mańyndaǵy áskerı polıtsııa ýchaskesine jaqyn jerde oryn alǵan. Kúrdistan Jumysshylar partııasynyń (KJP) sodyrlary traktordy 2 tonna jarylǵysh zatpen jaryp jiberdi. Jarylys qurylystarǵa aıtarlyqtaı zııan keltirdi. Jaralanǵandar aýrýhanaǵa jetkizildi», dep jazady RIA «Novostı».
Túrkııa qarýly kúshteri Sırııanyń soltústiginde IM pozıtsııalaryn, Iraktyń soltústigi men Túrkııanyń ońtústik shyǵysynda KJP-nyń pozıtsııalaryna shabýyldap jatyr. Soqqylar Túrkııanyń shekara mańyndaǵy aýmaǵynan F-16 joıǵyshtarymen, sondaı-aq tankter men artıllerııadan jasalýda. Oǵan jaýap retinde KJT óz saıtynda Ankaramen bitimge kelý «óz mánin joǵaltqanyn» málimdedi.
