Túrkııada orta ǵasyrda salynǵan ǵımarat kóshirildi

BATMAN. QazAqparat - Túrkııada orta ǵasyrlarda salynǵan «Artýklý» monshasyn basqa jerge kóshirdi, dep habarlaıdy «QazAqparat» HAA «Anadoly» agenttigine silteme jasap.

HІІ ǵasyrda salynǵan ǵımarat tutastaı kóshirilip, Batman provıntsııasyndaǵy Hasankeıf mádenı baǵyna jetkizilgen.

Batman provıntsııasynyń gýbernatory Ahmet Denızdiń aıtýynsha, Túrkııanyń ońtústik-shyǵysynda «Ilısý» sý qoımasynyń salynýyna baılanysty sol mańdaǵy mádenı muralar basqa jerge kóshirilip jatyr.

«Memleket mádenı muralar máselesine erekshe kóńil bóledi, sondyqtan, strategııalyq mańyzy bar joba aımaǵyndaǵy tarıhı ǵımarattardy basqa jerge kóshirip jatyr», - deıdi ol.

Gýbernatordyń sózine qaraǵanda, taǵy da jeti tarıhı mura nysany kóshirilmek. Olardyń barlyǵy bir jerge jınalyp, Hasankeıfte týrızmdi damytýǵa úles qosady.

Túrkııa Memlekettik sýmen qamtý jónindegi basqarmasynyń dırektory Mýrat Adjýdyń aıtýynsha, 2017 jylǵy 12 mamyrda 555 jyl turǵan Zeınel beı molasy kóshirilgen.