Túrkııada órt sóndirý kezinde tikushaq apatqa ushyrady
ASTANA. QazAqparat - Túrkııanyń batysyndaǵy Tahtaly sý qoımasynyń mańynda órt sóndirý tikushaǵy apatqa ushyrady, dep habarlaıdy «Anadolý» agenttigi.
Túrkııanyń Izmır qalasynyń Menderes aýdanynda ormanda bolǵan órt jeldiń yqpalymen órship ketip, aýmaǵy 100 gektardy qamtydy. Orman órtin sóndirý kezinde qaýǵasyna sý toltyrmaq bolǵan tikushaq apatqa ushyrady. Sý qoımasy kúzetiniń qyzmetkerleri tikushaq ekıpajynyń bes múshesin qutqardy, olardyń bireýi jeńil jaraqat alǵan.
