Túrkııada orman órtine qatysy bar degen kúdikpen 6 adam ustaldy
ASTANA. KAZINFORM — Maýsym aıynyń basynan beri Túrkııanyń 16 provıntsııasynda bolǵan 44 orman órtine qatysy bar degen kúdikpen 6 adam qamaýǵa alyndy, dep habarlaıdy AZERTADJ.
Eldiń Ádilet mınıstri Akyn Gıýrlektiń málimetinshe, sońǵy eki aıda orman órtterine qatysy bar degen kúdikpen barlyǵy 29 adam anyqtalǵan. Alty qamaýǵa alynsa, taǵy 6 adamnyń isi boıynsha sot sheshimi jaqynda jarııalanady. Al 9 adamǵa qatysty ákimshilik baqylaý sharalary qoldanylǵan. Qalǵan kúdiktilerge qatysty tergeý jalǵasyp jatyr.
Ádilet mınıstri eldegi birde-bir orman órti prokýratýranyń nazarynan tys qalmaıtynyn jáne oǵan qatysy bar barlyq adam zań aıasynda qatań jaýapqa tartylatynyn málimdedi.
Eske sala keteıik, Túrkııanyń arnaıy qyzmetteri 2016 jylǵy memlekettik tóńkeris áreketi kezinde prezıdent Rejep Taııp Erdoǵanǵa qastandyq jasaýǵa daıyndaldy degen is boıynsha izdeýde júrgen sońǵy kúdiktini ustady.
